MURAL ZATIA ERRETA LUIS EZEIZA HERRI ESKOLAN

Aste Santutako bigarren astean Luis Ezeizako herri eskolan mural zati bat erre zuten. Eskoriatzako Udalak argi utzi nahi du horrelako gertaerak  onartezinak direla eta gainera herritarren segurtasuna apurtzen dutela. Beste egoera batzuk ere gertatu izan dira aurretik, adibidez: neguko oporretan alarma joka hasi zen buzoian petardo bat sartu zutelako, bolatokiko mahaiak eta rokodromoko lurra ere erreta azaldu ziren. Baina ez hori bakarrik, gauza gehiago ere gertatu dira. Ez litzateke hain zaila izan behar guztion artean guztiona zaintzea.

Argazki hau Goienatik hartu dugu.

GIMNASIO BERRIA KIROLDEGIAN

Eskoriatzako Manuel Muñoz kiroldegiko gimnasioa txiki geratu da eta arazoa konpontzeko beste solairu bat egitea erabaki dute. Hiru gune eukiko ditu gimnasio berri honek. Hirukoiztu egingo dute gimnasioaren edukiera, metro karratuetan.

Burgoseko Aplibur enpresak burutuko ditu lanak eta  gimnasio berria egiten hiru edo lau hilabete tardatuko dutela  esan dute, baina obra hauek ez dute kiroldegiko jarduera etengo. Kiroldegiko obrak 390.000 euroko kostua izango du, eta beste 150.000 euro bideratuko dira hobekuntzentzat eta makina berrientzat.

2024ko urtarrilaren 10ean, aldamioak jarri zituzten kanpoko aldean lanak hasteko, eta hurrengo egunean hasi zituzten obrak. Maiatzetik aurrera gimnasioa berriz ere erabiltzeko aukera izango dute bezeroek.

                                                   Argazkia eta bideoa Goienatik hartuta dago.

ARESKO EMAKUMEEN MARTXA

ARESKO EMAKUMEEN MARTXA 

2023ko martxoaren 12an, Aresko emakumeen martxan egin zen "Emakumeok bidea eraikiz" leloarekin. Martxa  goizeko 12etan hasi zen Aretxabaletako plazan. Lehenengo kamisetak banatu zizkieten parte hartzaileei eta ondoren, Ainara Urrutia mendi-lasterkaria omendu zuten. Ainarak 41 urte ditu, euskal selekzioko kidea da eta 2018 amaieran hasi zen lasterketetan parte hartzen, eta gaur egun, Domusa Teknik Team izeneko proiektuan ari da lanean.

Ohorea ematearen amaieran, Aretxabaletatik Eskoriatzarako bidea hartu zuten parte hartzaileek oinez, Eskoriatzako Fernando plazaraino. Eskoriatzako Fernando plazara heldu zirenean, Rosarito Oianguren herritarrak jaso zuen aitortza. Rosarito 1938an jaio zen Bolibar elizateko Atzarte baserrian, eta bizitza osoa etxekoandrea izan da, zerbitzari lanetan ere aritu da hainbat jatetxean.

Amaitzeko partaide guztien argazkia atera zen eta denak pozik bukatu zuten, martxak ere arrakasta  handia izan zuen.

                               Bideo hau Goienatik hartuta da

ZUHAITZ LANDAKETA SINBOLIKOAK ESKORIATZAN ETA ARRASATEN

Zuhaitzak landatzeko pare bat ekitaldi egin dituzte Eskoriatzan eta Arrasaten. Arrasateko Musakola auzotik Etxezarretako eremura abiatu dira 20 bat lagun.

Eguraldiak lagundu ez duen harren, partaideek erakutsitako jarrera ikusita, aurrera egin dute. Herritarren artean naturak duen garrantziaz kontzientziatzea da halako ekimeen helburua. Haurrek paper garrantzitsua jokatzen dute; atxurra hartuz, zuloa eginez, kimua egokituz,...  ingurumenari ekarpena egiteaz gain dibertitu ere egin dira. 

Udalak 400 haritz txiki dauzka landartzeko prest baina lokatza zegoenez batzuk bakarrik landatu dituzte. Ale batzuk iaz jarritakoengatik ordezkatu dituzte, izan ere, udan beroa dela eta, sufritu egin dute zuhaixkek eta hainbat ihartu egin dira. 

                                                      Argazki hau Goiena-tik hartu dugu

                                           

ESKORIATZA PROIEKTUA

Kiroldegian, Luis Ezeiza ikastetxean eta beste  eraikin publiko batzuetan geotermia sistema eta berrokuntza sare berria instalatzeko proiektua ezarri nahi du Eskoriatzako Udalak, hiru helbururekin: lehenik eta behin, jasangarriak ez diren  energia-iturriekiko mendekotasuna murriztea. Bigarrenik, eraikin horietatik zerbitzuaren erosotasuna eta kalitatea handitzea eta azkenik, gure energia-faktura murriztea. Horri  esker, beste proiektu batzuetara bideratu ahal izango dira baliabideak. Luis Ezeiza ingurua berrurbanizatu egin nahi dute, ibaiaren pasealekua konpondu egingo da, udal pilotalekua berritu, musika eskola berria egin instalazio duinekin eta Manuel Muñoz kiroldegiko kanpoko igerileku berria egin. 

                                         Argazki hau goiena-tik hartu dugu

ESKORIATZAKO KENPOKO TALDEAK BEDERATZI DOMINA IRABAZI DITUZTE

Eskoriatzako Atama kenpoko borrokalariek, Guadalajaran ozpatu den kenpoko txapelketan, domina bat lortu dute, eta orain guztira bederatzi domina dituzte hiru modalitatetan; urrezko lau domina, zilarrezko beste lau, eta brontzezko bat.

Espainiako Kenpoko kopa txapelketan, Atama Eskoriatza Taldeko zenbait borrokalari bertan aritu dira, Rafa Carriet entrenatzailearen gidaritzapean.

                   Argazki hau GOIENAtik hartu dugu.

LUIS EZEIZA ETA EUSKARALDIA

Aurreko azaroaren 24an,  Eskoriatzako herriko plazan jarri zuten karpan bildu ginen Luis Ezeiza eskolako ikasle guztiak euskaraldia ozpatzeko asmoarekin.

Photocall-a egin genuen, mozorrotu egin ginen, argazkiak atera genituen eta euskaraldiko abestia abestu eta dantzatu genuen. 

Abenduaren 2an, Luis Ezeizako patioan, arratsaldeko hiruretan,  dantza ezberdinak dantzatu genituen  euskararen eguna ozpatzeko eta Koldotxo guraso elkarteak, eskolako portxean, txokolatea banatu zuen ikasle guztientzat. Primeran pasatu genuen!!!

                                               argazki hau goiena-tik artu dugu

LUDOTEKAKO FESTA

Eskoriatzako Tortolis ludoteka, 3 urtetik 12 urtera bitarteko haurrei zuzendutako aisialdi zerbitzua da.Tortolis ludotekaren helburua, haurrek jokoetan parte hartzea, eta jokoen bidez euskararen erabilera bultzatzea eta indartzea da.

Joan den  irailaren 28an, herriko haurrak eta beraien gurasoak gonbidatu zituzten ludoteka ezagutzera emateko helburuarekin.

Ekintza ugari egin zituzten haurrek ondo pasatzeko: Slime tailerra, karaokea, trebetasun jolasak, eta  Gaba Baltzarekin lotutako tailerrak.

Argazki hau goiena-tik hartu dugu.

ESKORIATZAN ARRAPALA JARTZEN ARI DIRA

Intxaurtxueta plazatik Intxaurtxueta kaleko hogeigarren portaleraino irisgarritasuna hobetzeko arrapala jarriko dute. Obra honen kostua 99.000 eurokoa izango da. Mugikortasun arazoak dituzten pertsonei laguntzeko asmoz, lanak hasi zituzten duela gutxi. Lan hauen helburu nagusia irisgarritasuna erraztea da.

Eskailerak albo batean joango dira eta erdian, berriz, arrapala jarriko dute. Manuel Muñoz kiroldegi alboan eginda dugun pasoaren modu berean egingo da.

Proiektuaren baldintza bat irisgarritasun legeak betetzea zen, eta beraz, %4 eta %6ko inklinazioa izango du arrapalak. Pasabide horretan eskailerek gune osoa betetzen zuten. 

Argazki hau  GOIENA-tik hartu dugu.

EKKO PROIEKTUA

EKKO (Eskola, Komunitatea, Kirola, Osasuna) proiektua, Aretxabaleta eta Eskoriatza herrien artean partekatutako ekimena da. Lehen Hezkuntzako bosgarren eta seigarren mailetako ikasleekin eta haien familiekin landuko da ikasturte honetan. 

Prebentzio-programa hau, DBHko gazteen artean antzemandako arriskuak bideratzeko zailtasunei aurre egiteko jarri da martxan. Trebetasun sozialak, autoestimua, gatazken kudeaketa, komunikazioa, erabakiak hartzeko moduak eta pertsonen arteko harremanak landuko dira bertan.

Luis Ezeiza eskolan, urriaren 25ean hasi ginen programarekin, eta 20 saio izango ditugu guztira proiektua gauzatzeko.

                                        

                                                        

                                               Argazki hau goiena-tik artu dugu.

    

ESKORIATZAKO 1. RALLYSPRINTA

Uztailaren 16an Eskomotor taldeak 1.edizioko rallysprinta antolatu du.

Lehen, normalean 3 manga egoten ziren baina orain 4 dira, hauek desberdinak izango dira bide berdinetatik 2 alde batera eta 2 bestera. Auzo hauetatik pasatuko dira: namaste belar dendatik gora, depositu zaharra eta Aitxorrotxeko bidea. Elizate batzuetatik ere bai: Bolibar, Lete eta Mendiola.

Bi mangen artean kotxeak ikusteko aukera egongo da eta eskomotor taldeak dirua lortzeko kamiseta batzuk salduko ditu.                               

Argazki hau goienatik hartu dugu.

ESKORIATZAKO ASMAKIZUNAK

Eskoriatzako Tortolis ludotekak asmakizun lehiaketa bat antolatu du. Bere 2.edizioa da eta maiatzaren 5ean hasi zen. 1.edizioarekin konparatuta, honetan Eskoriatzako txokoak ezagutzeko aukera ematen dute.

Parte hartu nahi duenak telefono honetara deitu behar du: 688601374. Lau asmakizun egongo dira, astean behin bana egongo da lau astean zehar. Maiatzaren 13an hirugarren asmakizuna argitaratuko zuten eta oraindik beste bat gelditzen da. Asmakizun bakoitza Eskoriatzako txoko batekoa da eta tokiko argazkia bidali behar da.

Parte hartu duten Haur eta Lehen Hezkuntzako ikasleek maiatzaren 31n, ludotekako jai egunean, aurtengo lehiaketan puntu gehien lortu dutenen artean saria zozketatuko da.

Argazki hau emojiterra-tik hartu dugu.

FURGONETA ETA KOTXE BATEN ARTEKO ISTRIPUA

2022ko martxoaren 23an Arrasateko biderantz bi autok istripua izan zuten.

Suhiltzaileak oso azkar abiatu ziren istripura. Heldu zirenean, kotxe barruan gelditu zen pertsona atera zuten. Ez zen zauritu larririk egon. Istripuaren ondorioz, errepidea itxi egin zuten baina handik lasterrera ezkerreko erraila ireki zuten.

Argazki hau goienatik hartu dugu.

AUTO BATEK EMAKUME BAT HARRAPATU DU ESKORIATZAN

Auto batek emakume bat harrapatu du Eskoriatzako San Pedro auzoan. Istripua goizeko 07:30ak aldera, Manuel Muñoz kiroldegitik gertu izan da.

Emakumea zaurituta Debagoieneko ospitalera eraman dute.

                            

Argazki hau goienatik hartu dugu.

SKATE IKASTAROA

Urriaren 20an Eskoriatzako kiroldegian Skate ikastaro bat antolatu dute. Euria egiten badu, Olaetako frontoian izango da.

Saioan parte hartzeko  bi euro ordaindu beharko dira. Izena emateko kiroldegira joan edo 943715328 telefono zenbakira  deitu beharko duzu. Bakoitzak bere materiala eraman beharko du.

Argazki hau bogotavive.cometik atera dugu.

                                        

ESKORIATZAK EZIN IZAN DU IRABAZI

Urtarrilaren 26an, zapatuan, Eskoriatzako areto-futbol taldeak galdu egin zuen Antiguokoren kontra (0-1) Manuel Muñoz kiroldegian.


Partidua nahiko berdindua egon zen. Antiguokoek gola sartu zuten 30 segundu falta zirenean. Bi taldeek markagailuan aurretik jartzeko aukera onak euki zituzten baina Antiguakoak irabazi zuen partidua.

Argazki hau goienatik hartu dugu.

Eskoriatzako herritar batzuk korrika talde bat sortu nahi dute

Eskoriatzako  kirol elkarteko hainbat herritar korrika  talde bat sortzeko gogoz daude, lehengo bilera azaroaren 30ean goizeko 9:00etan izan zen Manuel Muñoz kiroldegi aurrean, korrika egiteko gogoarekin eta arropa erosoarekin joatea gomendatu zuten.


Herritar guztiei zuzenduta zegoen. Zapaturo kiroldegi aurrean hitzordu bat egingo dute. Joaten diren pertsonen arabera, ibilbide bat edo beste bat egingo dute. Bizitza osasuntsua bultzatzea, kirola egitea, talde giroa eta pertsonen arteko elkartasuna lortzea eta Gabez Takarraran lasterketa modu onean bukatzea dira taldearen helburuak.

Argazki hau Goiena-tik hartu dugu.

ESKORIATZAN BASQUE COUNTRY TXAPELKETA

2019ko azaroak 12an Eskoriatzako Joseba Iñurrategi pilotalekuan Basque Countryko txapelketa bat egon zen.

Borrokalariak borrokatzeko pisuaren arabera sailkatu zituzten. Koliseum taldeko Yaman Nogalesek urrea lortu zuen eta Eskoriatzako Atama taldeko Leire Ratok zilarra.          

Eskoriatzako slalomean azkarrena Asier Tejado

Orain dela hiru aste Eskoriatzan slalomeko lasterketa bat egon zen. Lasterketa hartan 23 piloto eta kotxe zeuden.

23tik 4 eskoriatzar egon ziren, irabazlea Bizkaikoa da eta bere izena Asier Tejado da. Bere zenbakia 37.a izan zen eta bere kotxearen izena Demon izan zen.

Argazki hau goiena-tik hartu dugu.

HASI DITUZTE EDERLANEKO LANAK

Ederlan pareko lanak otsailaren 7an hasi dituzte. Bi autobus geltoki eta semaforo bidezko zebrabidea egingo dute eta horretarako Eskoriatzako eta Aretxabaletako Udalek 153.000 euro ordaindu behar izango dute. Lan hauek egiteko zortzi aste beharko dute.

Lanen inguruan hitz egiteko Eskoriatzan bildu dira. Zuhaitzetako sustraiak kendu dituzte, kalte egiteagatik eta zuhaitzak tratatzen hasi dira. Segurtasuna ere ipini dute.

            Argazki hau goiena-tik hartu dugu.