ERREKAK BIZI AUZOLANEAN

Arrasate eta Bergara artean, 280 pertsonek 7,5 tona zabor atera zituzten zortzi erreketatik; 820 kilo txatarra, litxarreria poltsak, erabilera bakarreko plastikoak eta tabernetako terrazako zakarra.

Auzonalaren helburua "natura zaintzea, elkar ezagutzea eta natura zaintzearen arduraz kontzientziatzea" dela adierazi dute. Herritarei eskatu diete zabor ontziak erabili, zentzuz kontsumitu eta establezimenduetan zabor gutxiago sortzeko neurriak hartzeko. Udalei, bestalde, erreka sakonago garbitzeko, estalitako erreka zatiak bistaratzeko, landare inbaditzaileen kontrola eramateko eta ibaira zaborra ez jausteko sareak jartzeko eskatu diete. 

 Argazki hau Goiena-tik hartu dugu.

Bideoa: https://youtu.be/29cnELfESR0

ESKORIATZA PROIEKTUA

Kiroldegian, Luis Ezeiza ikastetxean eta beste  eraikin publiko batzuetan geotermia sistema eta berrokuntza sare berria instalatzeko proiektua ezarri nahi du Eskoriatzako Udalak, hiru helbururekin: lehenik eta behin, jasangarriak ez diren  energia-iturriekiko mendekotasuna murriztea. Bigarrenik, eraikin horietatik zerbitzuaren erosotasuna eta kalitatea handitzea eta azkenik, gure energia-faktura murriztea. Horri  esker, beste proiektu batzuetara bideratu ahal izango dira baliabideak. Luis Ezeiza ingurua berrurbanizatu egin nahi dute, ibaiaren pasealekua konpondu egingo da, udal pilotalekua berritu, musika eskola berria egin instalazio duinekin eta Manuel Muñoz kiroldegiko kanpoko igerileku berria egin. 

                                         Argazki hau goiena-tik hartu dugu

ENBORRA

Gatzagako euskaraldia batzordeak gaztainondo-enborra izendatu du euskaraldiaren lekuko. Bertan jarri duten mezua "Ez deila igartu berbia" da.

Enborra gatz museotik gertu dago. Gatz bidea egiten duten guztiek euskaraz hitz egiteko garaia dela aldarrikatuz. Gatz bidea ere, euskaraz lasai aritzeko gune bihurtu du.

Argazki hau goiena-tik atera dugu.

ESKORIATZAKO KENPOKO TALDEAK BEDERATZI DOMINA IRABAZI DITUZTE

Eskoriatzako Atama kenpoko borrokalariek, Guadalajaran ozpatu den kenpoko txapelketan, domina bat lortu dute, eta orain guztira bederatzi domina dituzte hiru modalitatetan; urrezko lau domina, zilarrezko beste lau, eta brontzezko bat.

Espainiako Kenpoko kopa txapelketan, Atama Eskoriatza Taldeko zenbait borrokalari bertan aritu dira, Rafa Carriet entrenatzailearen gidaritzapean.

                   Argazki hau GOIENAtik hartu dugu.

LUIS EZEIZA ETA EUSKARALDIA

Aurreko azaroaren 24an,  Eskoriatzako herriko plazan jarri zuten karpan bildu ginen Luis Ezeiza eskolako ikasle guztiak euskaraldia ozpatzeko asmoarekin.

Photocall-a egin genuen, mozorrotu egin ginen, argazkiak atera genituen eta euskaraldiko abestia abestu eta dantzatu genuen. 

Abenduaren 2an, Luis Ezeizako patioan, arratsaldeko hiruretan,  dantza ezberdinak dantzatu genituen  euskararen eguna ozpatzeko eta Koldotxo guraso elkarteak, eskolako portxean, txokolatea banatu zuen ikasle guztientzat. Primeran pasatu genuen!!!

                                               argazki hau goiena-tik artu dugu

LUDOTEKAKO FESTA

Eskoriatzako Tortolis ludoteka, 3 urtetik 12 urtera bitarteko haurrei zuzendutako aisialdi zerbitzua da.Tortolis ludotekaren helburua, haurrek jokoetan parte hartzea, eta jokoen bidez euskararen erabilera bultzatzea eta indartzea da.

Joan den  irailaren 28an, herriko haurrak eta beraien gurasoak gonbidatu zituzten ludoteka ezagutzera emateko helburuarekin.

Ekintza ugari egin zituzten haurrek ondo pasatzeko: Slime tailerra, karaokea, trebetasun jolasak, eta  Gaba Baltzarekin lotutako tailerrak.

Argazki hau goiena-tik hartu dugu.

ESKORIATZAN ARRAPALA JARTZEN ARI DIRA

Intxaurtxueta plazatik Intxaurtxueta kaleko hogeigarren portaleraino irisgarritasuna hobetzeko arrapala jarriko dute. Obra honen kostua 99.000 eurokoa izango da. Mugikortasun arazoak dituzten pertsonei laguntzeko asmoz, lanak hasi zituzten duela gutxi. Lan hauen helburu nagusia irisgarritasuna erraztea da.

Eskailerak albo batean joango dira eta erdian, berriz, arrapala jarriko dute. Manuel Muñoz kiroldegi alboan eginda dugun pasoaren modu berean egingo da.

Proiektuaren baldintza bat irisgarritasun legeak betetzea zen, eta beraz, %4 eta %6ko inklinazioa izango du arrapalak. Pasabide horretan eskailerek gune osoa betetzen zuten. 

Argazki hau  GOIENA-tik hartu dugu.