Katajineta hilda eta gaixorik agertu dira. Zer gertatu da?

 Katajineta katu txiki eta luze baten modukoa da, 43-55 cm inguru ditu. Mutur zorrotza, hanka motzak eta batzuetan gorputzean puntu beltzak ditu. Haragijaleak dira, karraskariz, hegaztiz, ugaztun txikiz, muskerrez, anfibioz, intsektuz eta arraultzez elikatzen dira.

Katajineta bat Aramaio eta Arrasate arteko errepide batean hilda aurkitu dute eta beste bat Arrasateko Eroski ondoko parkean gaixorik agertu da. Bi albiste hauek otsailean eta martxoan argitaratu dira Mondraberrin.

Lehenengoa kotxe batek harrapatu duela pentsatzen dute eta bigarrena arratoiaren pozoiagatik gaixotu dela. Eroskiko parkea Deba ibaiaren ondoan kokatu dago eta bertan arratoientzako pozoia botatzen dute. Arratoiek pozoi hau jaten dute eta gero katajinetek arratoiak jaten badituzte, gaixotu egiten dira.

Adituek gaixotzearen arrazoia arratoiaren kontrako pozoia dela uste dute: "ez zuen zauririk eta kolperik ere". Hori esan zuen Fermin basozainak. Beste aditu batek esan zuen: "uste dut ezetz, katajinetek oiloengana joateko ohitura daukate eta baliteke katajineta oiloengana zihoala eta ibilgailu batek harrapatu izana". Argi dago gure basoetan biodibertsitate handia dagoela.

Argazki hau aiurri.eus-etik hartu dugu.

ETXEZURI ETA GATZAGAKO UDALA

Landaola Federazioak 4. Landaola sariak antolatu ditu eta sari banaketa martxoaren 5ean egin zuen.

Etxezuri eta Gatzagako udala sarituak izan ziren. Etxezuri "Latxa energy" proiektuarengatik eta erakunde publikoen artean Gatzagako Udala, Usokoitza abeltzaina elkarte larreak ustiatzeko helburuaz egindako lanarengatik.

Argazki hau goiena-tik hartu dugu.

Abadiñoko lertxunak

2021ko Martxoan Abadiñoko Joseba Carcavilla argazkilariaren argazki erakusketa egon da.

Joseba Carcavillak Abadiño inguruan bizi diren txoriei egindako argazkiak atera zituen eta ondoren, erakusketa batean ikusgai jarri ditu. Abadiñoko biztanleek ez dituzte inguruko txoriak ezaguzten.

Argazki hau Goienatik hartu dugu.

GATZAGAKO ZUHAITZAK JOLASEN BIDEZ

Otsailaren 27an, zuhaitz egunean, Leintz-Gatzagako guraso elkarteak beste ekintza bat antolatzea erabaki zuen. Ginkanak bederatzi puntu zeuzkan eta ginkana amaieran lau zuhaitz berri landatu zituzten.

Ginkana egiterakoan asmakizun bidez herriko zuhaitzak asmatu behar izan zituzten, adibidez intxaurrondoa, gereziondoa, urritza, zipreza, artea, aritza, hagina... Zuhaitz bakoitzak asmakizun bat zuen eta beste zuhaitz batera joateko erronka bat egin behar zuten, adibidez: hankak lotuta, begiak itxita, uztai batetik pasatzen...

Gatzagako umeek oso ondo pasatu zuten jolasak egiten. Lau eta hiru pertsonakoak egin zituzten taldeak eta talde bakoitza bere aldetik joan zen. Ginkana bukatu eta gero Gatzagako ortuetan elkartu ziren talde guztiak eta talde bakoitzak zuhaitz bat landatu zuen, guztira lau zuhaitz (bi sagarrondo eta bi makatzondo).

 

                                Argazki hau Leintz Gatzagako web orritik hartu dugu.

Julen Zailtegik hat-trick gainditu du

Julen Zaitegiri beti gustatu izan zaio futbola, hezur batzuk apurtu ondoren, berdin jarraitzen du jokatzen.

Arrasaten kontra 4 gol sartu zituen eta 5-0 irabazi zuen.

 

Julen Zaitegiri bere partidarik onena izan den ala ez galdetu diotenean ezetz erantzun du.  

Errealean hasi zen futbolean, gero Arrasateko taldera joan zen eta ondoren UDAra joatea erabaki zuen.

Julen Zaitegik esan du Udan oso gustura dagoela.

 

Argazki hau Goienatik hartu dugu.

GORKA IDIGORASEK BERE AMETSETAKO BAT LORTU DU

 2020ko irailaren 18an Aramaioko rallysprintean Gorka Idigorasek eta Raul Perezek parte hartu zuten. 

Aramaiko XIX. Rallysprinta jokatu eta irabazi zuten. Ez da lehen aldia Idigorasek parte hartzen duela, izugarrizko poza jaso zuen irabazi zuenean. Bukatu ondoren, "bizitzako ametsetako bat egia bihurtu dut" esan zuen.

18 urterekin auto lehiaketetan hasi zen. 2018an Euskadiko rallysprint txapelduna izan zen 2. klase mailan. Baina Aramaioko XIX. rallysprintean 5. klase mailan azkarrena izatea izugarria dela esan zuen.

Argazki hau eaf-fva-tik hartu dugu.

SORGIN ELKARTEA ETA MARTXOAK 8

Otsailaren 12an Leintz-Gatzagako Sorgin Elkarteko emakumeak martxoaren 8an zerbait antolatzeko elkartu ziren.

2020ko martxotik ezin izan dira batzartu COVIDarengatik. Azkeneko aldia elkartu zirenak konfinamendua baino lehen izan zen.

Beste urte batzuetan Leintz-Gatzagan martxoaren 8an Sorgin Elkarteko emakumeek elkarrekin bazkaldu eta dantzaldi bat egiten zuten. Aurten agian, kontzertu akustiko bat egingo dute. Oraindik ez dute erabaki.

Argazki hau goienatik hartu dugu.